Градот кој отсекогаш се гордеел со своите ученици, професори и иноватори, сега се
гордее со нова генерација млади штипјани кои размислуваат храбро и визионерски.
Три тимови од Штип се најдоа меѓу Топ 53 најдобри идеи во Македонија на
националниот натпревар „Средношколец милионер“, организиран од Brainster Next
College и NU академиите за талентирани средношколци.
Од 438 пријавени идеи, нашите штипјани се издвојуваат со решенија што се практични,
иновативни и блиски до сите нас.
Сега се во трката за големата награда од 1.000.000 денари и заслужуваат поддршката од
секој еден од нас.
Еве кои идеи го претставуваат Штип:
SkyDrop – тим FutureGreens, на средношколците Елена Јанева, Евгенија Крстовска,
Иван Атанасовски и Мартин Тодоров
Идеја што ја комбинира технологијата и одржливоста преку систем за еколошка достава
со помош на дронови.
Погледнете ја и гласајте за нивната идеја тука.
Quick-Med – тим Ви-Ши на средношколците Бране Тасев, Нела Ангелова, Никола
Зенделов и Елена Јованова
Иновативно решение во здравството апликација што овозможува брз пристап до лекови –
особено значајна поддршка за хронично болните и постарите лица.
Погледнете ја и гласајте за нивната идеја тука.
Домашен вкус – тим Кошаркарки на средношколците Нина Варадинова, Бојана
Јорданова и Тина Миташева
Тим што ја оживува традицијата преку дигитална платформа за домашна, здрава и вкусна
храна подготвена со љубов.
Погледнете ја и гласајте за нивната идеја тука.
Секој глас значи поддршка за младите умови кои ја градат иднината на Штип и на
целата земја.
Граѓаните можат да гласаат за повеќе идеи истовремено (можете да ги поддржите
сите млади штипјани) но само со еден глас по идеја.
Да им помогнеме нашите претставници да стигнат до финалето и да покажеме
дека Штип стои зад своите таленти.
