Репрезентацијата ќе биде на мини во Скопје и ќе одигра два контролни натпревари со Јапонија – првиот на 30 октомври (од затворен тип) и вториот на 1 ноември од 16:30 часот во салата „Автокоманда“.
Селекторот на македонската ракометна репрезентација, Кирил Лазаров, го објави списокот од 20 ракометари за претстојната ЕХФ-недела. Репрезентацијата ќе биде на мини подготовки во Скопје и ќе одигра два контролни натпревари со Јапонија – првиот на 30 октомври (од затворен тип) и вториот на 1 ноември од 16:30 часот во салата „Автокоманда“.
По подолга пауза, во националниот тим се враќа левото крило на Еурофарм Пелистер, Дејан Манасков, кој се наоѓа во одлична форма.
Повикот од Лазаров добија: Мартин Томовски, Никола Митревски, Иван Галевски (голмани), Дејан Манасков, Иван Џонов (леви крила), Ненад Костески, Александар Петровски (десни крила), Филип Кузмановски, Павле Атанасијевиќ, Емилијан Ѓорговски (леви бекови), Мартин Серафимов, Мартин Велковски, Филип Николов (десни бекови), Мартин Ивановски, Игор Ѓорѓиев, Дамјан Митев (средни бекови), Жарко Пешевски, Марко Стојковиќ, Валентин Карасманакис (пикери) и Михаил Аларов (дефанзивец).
Првиот собир на репрезентацијата е закажан за 27 октомври во хотелот „Александар Палас“ во Скопје.
