16.4 C
Shtip
spot_img

Италијанска компанија ќе инвестира во ТИРЗ Штип

Вчера, општина Штип ги пречека Амбасадорот на Република Италија во Македонија, Н.Е. Паоло Палминтери, Фабио Каросо, регионален советник од Италија, Ева Нетковска, виш трговски аналитичар на Италијанската трговска агенција во Скопје, и нашиот сограѓанин Тони Димитровски, сопственик на Мак Базен.

Градоначалникот Иван Јорданов разговараше за можностите за бизнис и економска соработка помеѓу Италија и Македонија, особено за потенцијалите што ги нуди Штип.

“Во наредниот период ќе биде отворена компанија за производство на компоненти за монтажни базени, која ќе овозможи 30 до 50 нови работни места. Ова е уште еден чекор кон економскиот развој на Штип и Источна Македонија. Нашата крајна цел е подобар стандард и креирање можности за младите да останат и да градат иднина тука, дома.” – изјавија од кабинетот на првиот човек на Штип.

Фабио Каросо, сопственик на италијанската компанија „L’Isola Blu Piscine“, од своја страна изрази задоволство од средбата, со очекување успешна реализација на потенцијалната инвестиција во ТИРЗ Штип. Тој истакна дека клучен фактор за одлуката за потенцијална инвестиција се поволната бизнис-клима и поддршката за странските инвеститори што ја нуди Македонија, претставувајќи атрактивна дестинација за инвестирање.

Компаниите што се корисници во ТИРЗ Штип, се задоволни од работењето во зоната. Во последната спроведена анкета, која ги опфати сите главни аспекти важни за функционирањето на зоните, вклучувајќи ги: задоволството од услугите на Дирекцијата за ТИРЗ, како и знаењето, вештините и способноста на вработените; точноста на добиените информации и брзината на постапување по доставено барање, тие дале просечна оценка 4,48 од максимум 5,00, што укажува на континуиран раст, на задоволството на корисниците на ТИРЗ Штип.

━ повеќе содржини

EMIGRANTI на штипјанецот Влатко Јакимов во нов сингл!

Хип-Хоп групацијата во Лондон, предводена од штипскиот музички артист Влатко Јакимов вчера го објави својот нов сингл "Татко и син" во кој Влатко настапува...

ГКК Штип се засили со бек од Соединетите Американски Држави

Новиот член на најдобрата македонска кошаркарска конкуренција ГКК Штип ги засили своите редови со бек од Соединетите Американски Држави. Се работи за 24-годишниот Лангстон Лав...

Штипјанката Ива Колева со историски деби настап во сениорската репрезентација

Историски момент за штипската кошарка! Седумнаесетгодишната Ива Колева стана првата штипјанка која добила повик во сениорската женска кошаркарска репрезентација на Македонија, испишувајќи нова страница...

Професорката на УГД Јаневиќ-Ивановска одликувана со орден во Франција

Професорката Емилија Јаневиќ-Ивановска, која предава на студиската програма по фармација на Универзитетот „Гоце Делчев“ во Штип, доби значајно француско признание за својата академска и...

Вечерва: Традиционална ноќна трка по повод Денот на ослободувањето на Штип

Штип вечерва повторно ќе биде во знакот на спортот, традицијата и одбележувањето на еден од најзначајните датуми во историјата на градот. По повод 8...
spot_img