Пратеникот Душко Иванов изјави дека ВМРО-ДПМНЕ веќе започнала со процесот на селекција на кандидати за градоначалници и советници за претстојните локални избори. Тој очекува историски најголема победа на коалицијата предводена од партијата.
Во однос на излегувањето на Алијанса за Албанците од Владата, Иванов увери дека парламентарното мнозинство останува стабилно и фокусирано на реформската агенда и испораката на проекти. „Граѓаните можат да бидат мирни, бидејќи владата е стабилна и ќе продолжи со реализација на ветените политики“, изјави Иванов за Курир.
Според него, одлуката на дел од раководството на Алијансата да се повлече од Владата би можела да значи нивно враќање кон ДУИ, но, како што рече, времето ќе покаже дали тоа било вистинскиот потег.
