11.6 C
Shtip
spot_img

Загинал поради лајкови на ТикТок: Момче скокнало од 25 метри височина во Дунав

Скокнал од висина од 25 метри во Дунав, надевајќи се дека тоа ќе му донесе посакувани обожаватели на социјалната мрежа. Наместо да направи вирално видео од својот пријател, тој ја снимил неговата смрт. Почнал да вреска кога сфатил дека младиот човек не излегува…

Драмата се случила во вторникот попладне. Според локалните медиуми, Тудор и неговиот пријател тргнале на долго патување од Букурешт за да стигнат до доволно висок мост од кој ќе скокнат. Локацијата не била далеку од местото каде што Дунав се влева во Црното Море, објавија локалните медиуми.

Младите мажи го паркирале својот автомобил под мостот и чекале работниците од блиското градилиште да си одат дома за да можат да го спроведат она што го планирале. Кога оцениле дека е „безбедно“, Тудор застанал на мостот, неговиот пријател почнал да снима, но наместо вирално видео за ТикТок, била снимена смртта на младиот човек.

Кога пријателот сфатил дека Тудор не излегува, почнал да повикува помош. За жал, немало начин да го спаси младиот човек.

Според официјалните лица, Тудор скокнал од толку голема висина, како да се фрлил од 10-ти кат. Спасувачите имале проблеми дури и да се приближат, бидејќи чамците не можат толку брзо да стигнат до овој дел од Дунав. За жал, нуркачите на крајот го извлекле телото.

Им биле потребни околу 15 минути за да го пронајдат. Телото на Тудор било пронајдено на длабочина од 7 метри, а тројца нуркачи го извлекле на брегот, јавуваат медиумите.

Медицинските екипи веќе чекале покрај работ на водата, но и покрај напорите да го реанимираат младиот човек, немало начин да се спаси. На местото на настанот бил прогласен за мртов.

„Веднаш влеговме во водата на местото каде што очевидци посочија дека паднал. Беше некаде на средината од водотекот. Немаше силни струи, но видливоста со светилки беше до 15 сантиметри. Го пронајдовме на длабочина од околу седум метри“, рече нуркачот Ѓорѓе Кукулеску.

━ повеќе содржини

EMIGRANTI на штипјанецот Влатко Јакимов во нов сингл!

Хип-Хоп групацијата во Лондон, предводена од штипскиот музички артист Влатко Јакимов вчера го објави својот нов сингл "Татко и син" во кој Влатко настапува...

ГКК Штип се засили со бек од Соединетите Американски Држави

Новиот член на најдобрата македонска кошаркарска конкуренција ГКК Штип ги засили своите редови со бек од Соединетите Американски Држави. Се работи за 24-годишниот Лангстон Лав...

Штипјанката Ива Колева со историски деби настап во сениорската репрезентација

Историски момент за штипската кошарка! Седумнаесетгодишната Ива Колева стана првата штипјанка која добила повик во сениорската женска кошаркарска репрезентација на Македонија, испишувајќи нова страница...

Професорката на УГД Јаневиќ-Ивановска одликувана со орден во Франција

Професорката Емилија Јаневиќ-Ивановска, која предава на студиската програма по фармација на Универзитетот „Гоце Делчев“ во Штип, доби значајно француско признание за својата академска и...

Вечерва: Традиционална ноќна трка по повод Денот на ослободувањето на Штип

Штип вечерва повторно ќе биде во знакот на спортот, традицијата и одбележувањето на еден од најзначајните датуми во историјата на градот. По повод 8...
spot_img