Дуа Липа потврди дека се свршила со актерот Калум Тарнер, велејќи дека тоа е „навистина посебно чувство“. Поп-ѕвездата по потекло од Косово (29) и 35-годишниот Тарнер се во врска речиси година и пол.
„Да, се свршивме. Многу е возбудливо. Оваа одлука да остариме заедно и да бидеме најдобри пријатели засекогаш, тоа е навистина посебно чувство“, кажа Липа за „Вог“.
Таа вели дека засега немаат датум на венчавката, додавајќи дека прво мора да ја заврши актуелната светска турнеја, чиј последен концерт е во Мексико во декември, а и Тарнер моментално бил зафатен со снимања.
