На свечена седница денеска беа доделени 18 осмоноемвриски признанија во Штип по повод ослободувањето на градот 8 Ноември. Заслужни граѓани, институции, здруженија, граѓански организации кои измаинатите години придонеле за развој и афирмација на градот добија признанија за нивните заложби. Признинија се доделија во областа на културата, здравството, уметноста, спортот, образованието.
„Ова признание за мене е од големо значење, го вреднува мојот труд и успех во текот на овие годиини особено во изминатава година.“ – велат добитниците.
Признание Осми Ноември доби и КБ Штип, за пожртвуваноста на вработените и посебниот придонес на 16 март кога се случи пожарот во дискотеката Пулс во Кочани. Тогаш за помалку од еден час беа мобилизирани сите одделенија при КБ Штип, а сите вработени беа на работа за да помогнат на пациентите.
„Оваа награда Осмо ноемвриско признание е од големо значење за сите вработени во КБ Штип бидејќи некој ја детектирал пожртвуваноста на вработените што ја дадоа оваа година и посебно за 16 март“ – вели Захариев.
Овој ден преставува потсетник за должноста на Општина Штип да ја чува слободата и традицијата, но и да се надоградува, истакна градоначалникот, Иван Јорданов, во своето обраќање.
„Овој ден не е само историски датум, тоа е потсетник на нашата должност да ја чуваме слободата, да ја надградуваме и да ја оправдаме со дела. Денес нашата борба е поинаква,тоа е борба за подобар живот, за развој и за достоинство.“ – вели Јорданов.
Осмо Ноемвриски признанија се доделуваат секоја година на поединци, институции, здруженија, кои придонеле за развој и афирмација на Штип.
Ова е листата на добитниците:
Петар Мијалков – мотоциклизам
Игор Киров – уметник
Градски хор Астибо
Биг Бенг оркестар
Извиднички одред од Штип
Жикица Ивановски – ултрамаратон
Душица Бреслиева – карате, таеквондо
Даниел Христов и Марио Ванчовски – образование
Ферус Мустафов – постхумно – музика
Димо Узунов – ширење на македонизам
Пане Кукушев – литература
Благој Џоџев – КУД Тоска
Раде Рогожаров – уметност
Клиничка болница Штип
Андреј Гичев, Виктор Спасов, Максим Троицки – хуманизам
