Пеливанскиот клуб Дејан Митров од Штип изминатиот викенд настапи на меѓународен турнир во пеливанско борење кој се одржуваше во Кичево, а штипскиот клуб настапи во поширок состав.
Марио Ананиев продолжува со победи откако имаше три победи и еден пораз и го освои второто место во петтата категорија.
Сензација на турнрот беше искусниот Горан Ангелов кој во второто коло го победи Турчинот кој беше прв на претходниот турнир, но за жал поради повреда загуби во третото коло.
Искусниот Дејан Митров го освои првото место во втора категорија. Во првото коло имаше победа против Шабан Исмаили, во второто коло против Фадил Назифов од Штип, а пак во полуфиналето победа против Басри Јусуфи. Во финалето нерешено со Фати Вејсели, по судиска одлука триумф за Дејан Митров и прво место.
Забележителни настапи на овој меѓународен турнир во Кичево имаа и Христијан Димитриевски и Стојанче Данилов.
Клубот на Дејан Митров продолжува со подоготовки за следнот викенд, а на 27 јули следува нов предизвик.
Овој спорт станува се поатрактивен и буди се поголем интерес кај младите кои сакаат да започна со спортување на истиот. Пеливанското борење е слично на борењето слободен стил.
