Најубава плажа во Европа за 2025 година е прогласена плажата Гларокавос на полуостровот Касандра во регионот Халкидики во северна Грција.
Престижната титула за најубава плажа во Европа, грчката плажа Гларокавос ја доби врз основа на гласање на патници од целиот свет, организирано од EBD (European Best Destinations).
Сончевите брегови на Касандра, најзападниот крак на „трозабецот“ Халкидики, привлекуваат со миксот од плажи, живописни приморски села и смирувачки природни извори. Меѓу Палиури и Пефкохори, веднаш по плажата Голден Бич, се наоѓа Гларокавос. Плажата е сместена во истоимената лагуна, а се нарекува и „Сино езеро“.
Срцата на посетителите ги освоила со својата прекрасна природа – тиркизно море опкружено со борови, мирот што го зрачи и богатството на културни атракции во близина. Лагуната е многу популарна кај семејствата, но и кај кајакашите и веслачите. Еден дел од плажата е опремен со лежалки и други туристички содржини, додека другиот им овозможува на туристите да уживаат во недопрена природа.
Во продолжение се топ 10 плажите:
Port Glarokavos Lagoon Beach – Kassandra Peninsula, Chalkidiki, Greece
Cala Brandinchi – Sardinia, Italy
Cala Pregonda – Menorca, Spain
Cala Luna – Sardinia, Italy
Gale Fontainhas Beach – Grândola, Alentejo, Portugal
La Pelosa Beach – Stintino, Sardinia, Italy
Playa de Los Muertos – Carboneras, Almería, Andalusia, Spain
Assos Beach – Kefalonia, Greece
Banje Beach – Dubrovnik, Croatia
Gulpiyuri Beach – Llanes, Asturias, Spain
