Во недела (29 март) Штип ќе биде домаќин на првото коло од Првата македонска боксерска лига кое ќе се одржи во спортската сала на Државното средно училиште „Коле Нехтенин“, а технички организатор на настанот е боксерскиот клуб Пинк Пантер од Штип.
Како што истекнуваат од Пинк Пантер се очекува учество на повеќе од 20 боксерски клубови од цела Македонија, како и настап на околу 80 боксери, што најавува возбудливи и квалитетни борби на почетокот од новата натпреварувачка сезона.
Боксерскиот клуб Пинк Пантер од Штип оваа година влегува со сериозни амбиции и ќе атакува на освојување на првото место во Првата македонска боксерска лига.
Мерењето на натпреварувачите е предвидено да започне во 10:00 часот, додека борбите официјално ќе започнат во 14:00 часот.
Организатор и покровител на лигата е Националната боксерска федерација на Македонија, со поддршка од Министерството за спорт.
Со вакви спортски настани уште еднаш се потврдува дека Штип е град на спортот.
