Само на два возење од Штип, веднаш по грчката граница, се наоѓа едно мало, но магично место – Сидирокастро. Во подножјето на Беласица, во прегратките на природата, се кријат термалните бањи со чудесна, лековита моќ.
Се наоѓаат на само 150 километри од Штип, веднаш по преминот Богородица–Промахонас, и се вистинско откритие за оние што бараат природен лек по пристапна цена.
Термалните извори кај Сидирокастро се користат уште од византискиот период, познати се по својата неверојатна моќ да ги смират нервите, да ги лекуваат ревматските и мускулните болки, кожните заболувања, па дури и гинеколошки проблеми – и тоа по цени од само 5 евра за користење термален базен или 10 евра за приватно џакузи.
Станува збор за автентична термална бања со лековита вода што извира со 43–55°C, богата со минерали и природна топлина што го обновува телото и духот.
Ова место не е само лек – туку е доживување. Овие природни извори не се само обично капалиште. Станува збор за природен ресурс со долга традиција. Првпат споменати во византиски записи, подоцна опишани од славниот патописец Евлија Челеби во 17 век, бањите во Сидирокастро отсекогаш биле собиралиште на луѓе кои барале лек, утеха или едноставно – мир.
Со векови се користеле како центар за терапија и рекреација, а денес се претворени во модерен бањски комплекс, кој успешно ги спојува старите обичаи со современи стандарди.
