Денес беше завршено асфалтирањето на платото и паркинг површината пред фудбалскиот терен во населбата Бело Брдо, со што се подобрува пристапот и условите за сите љубители на спортот и рекреацијата.
Овој зафат е дел од поширокиот план за инфраструктурно уредување на јавни површини низ градот, кој продолжува и во наредните денови. Екипите на терен ќе работат на повеќе локации, со цел да се подобри квалитетот на урбаното живеење и да се одговори на потребите на граѓаните.
Општината упатува благодарност до жителите за трпението и поддршката за време на работите, со порака дека и понатаму ќе се инвестира во уредување и развој на урбаната средина.
