Во Германија не е дозволено да носите секакви предмети во автомобилот. На следниве работи треба особено да обрнете внимание кога станува збор за законските прописи.
Без разлика дали станува збор за случајност, практичност или зголемена потреба за безбедност, ако во автомобилот имате нож, може да се соочите со многу висока парична казна. Имено, во зависност од намената, должината на сечилото и типот на ножот, се применува Законот за оружје.
Како што објаснува германскиот автоклуб, носењето одредени видови ножеви е генерално забрането, дури и во автомобил. Ако, на пример, нема оправдана причина за поседување забранет нож, што значи дека не ви е потребен за работа или не можете да докажете друга оправдана потреба, тоа може да резултира со парична казна и до 10.000 евра.
Оваа ситуација важи и ако ножот (или повеќе ножеви) само го превезувате во автомобилот, но не сте го ставиле во заклучена кутија или торба. Не е дозволено ниту чување во фиока во автомобилот бидејќи ножот таму е лесно достапен.
Според германскиот автоклуб, забранетите видови ножеви според законот не се однесуваат на обични џебни ножиња. Но, некои кујнски сечила не би требало да ги носите во автомобилот.
