НБА ѕвездата на Милвоки Бакс не отпатува за Кипар, каде што Грција играше натпревари против Србија и Израел, и ги загуби двата. На почетокот се веруваше дека причината е мала повреда, но грчкиот портал SDNA открива што се случува со Адетокунбо.
Станува збор за неплатената полиса за осигурување. Без неа, Јанис не може да игра за репрезентацијата, иако е целосно здрав и тренира индивидуално.
Како што објавува SDNA, неговиот клуб Милвоки Бакс е вклучен во целиот случај. Грчката кошаркарска федерација (ЕОК) не дава официјални изјави, но извори блиски до асоцијацијата потврдуваат дека сè е во рацете на франшизата од Висконсин.
Плаќањето на осигурувањето, кое би го заштитило играчот во случај на повреда, сè уште не е решено. Одлуката дали Адетокунбо ќе игра на ЕвроБаскетот зависи и од Бакс, кои во моментов се фокусирани на потенцијалната размена на нивната суперѕвезда.
ЕОК се обиде да ја претстави приказната за „повредата“ на јавноста, но речиси две недели по почетокот на подготовките, Јанис не одработил никаков тренинг со репрезентацијата.
Од федерацијата доаѓаат само полуинформации, додека медиумите шпекулираат дека тој би можел целосно да го пропушти ЕвроБаскетот – сценарио што би било огромен удар за Грција.
Засега е познато дека Јанис нема да игра и против Црна Гора на 14 август во Солун. Ситуацијата станува сè потензична, а времето до почетокот на првенството неумоливо истекува.
Јанис молчи, Федерацијата молчи, Бакс исто така молчат. Нема јасни одговори, а грчките навивачи со право се загрижени. Само две недели пред почетокот на Европското првенство, молчат и челниците на Федерацијата, а целата ситуација се заканува да се претвори во едно од најголемите катастрофи во историјата на грчката кошарка.
