Пожарот во штипскиот регион и натаму е активен. Според информациите на Центарот за управување со кризи, заклучно со 7:30 часот денеска гори ниска вегетација на потегот меѓу селата Селце, Пухче, Степанци и Лакавица.
Во изминатото деноноќие во земјава се регистрирани вкупно 26 пожари на отворен простор. Од нив, два се активни, четири се ставени под контрола, а 20 се изгаснати.
Покрај пожарот во Штипско, активен е и пожарот меѓу селата Копаница и Радуша во Општина Сарај, каде гори нискостеблеста шума и ниска вегетација.
Под контрола се ставени пожарите на повеќе локации, меѓу кои и Градската депонија Острец во Делчево, додека пожарите во останатите делови од земјата се изгаснати.
Од ЦУК апелираат граѓаните да бидат внимателни и доколку забележат пожар навреме да го пријават, особено поради високата опасност од брзо ширење на огнот на отворен простор
