ЈП “Исар” Штип викендов реализираше нова акција за раззеленување на градот, при што на новоизградениот потег од булеварот „Партизанска“, во делот на разделното зеленило, беа засадени повеќе од 200 дрвја и зимзелени садници.
Од претпријатието информираат дека целта на акцијата е подобрување на квалитетот на воздухот, зголемување на зелените површини и создавање попријатна и поуредена урбана средина за граѓаните кои живеат или секојдневно поминуваат низ овој дел од градот.
„Ова не е само раззеленување, туку инвестиција во здравјето, иднината и убавината на нашиот град. Со секое ново засадено дрво придонесуваме кон почиста и поеколошка средина“, посочуваат од ЈП „Исар“.
Акцијата е дел од континуираните активности на претпријатието за унапредување на јавните површини и хортикултурно уредување на градот. Од таму најавуваат дека и во наредниот период ќе продолжат со слични проекти, со цел создавање одржлива и зелена иднина за сите граѓани.
Над 200 нови дрвја засадени на булевар „Партизанска“ – ЈП „Исар“ со акција за позелен Штип
