Викендов, поточно од четврток до недела ќе се одигра завршницата во одбојкарскиот куп на Македонија во машка и женска конкуренција. Завршниот турнир ќе се одигра во Радовиш, во салата “25.мај”.
Во четврток, во машка конкуренција во 1/2 финалето од 16:00 часот се среќаваат бранителот на титулата, штипскиот oдбојкарски клуб “Штип УГД” против ОК Работнички од Скопје. Во другото полуфинале од 19:00 часот играат ОК Струмица и ОК Борец. Победниците од овие мечеви ќе играат во големото финале во сабота во 19:00 часот.
Од штипскиот клуб ја повикуваат публиката да дојде во Радовиш и да им помогне да ја одбранат титулата.
