Навивачките клубови Фаланга и Ултра Банда повикуваат на сенародна мобилизација за саботниот меч (23.05.2026) на ФК Брегалница против ФК Победа од Прилеп. Со тој натпревар, се спушта завесата на овогодинешното второлигашко натпреварување, а Брегалница како првопласирана од следната година ќе се натпреварува во македонската фудбалска елита.
Она што е интересно за граѓаните на Штип е повикот од навивачките групи до сите љубители на спортот да останат на стадионот и по завршувањето на натпреварот и свечената церемонија, бидејки организираат спектакуларно пиротехничко шоу во чест на нивните миленици – фудбалскиот клуб Брегалница. Стартот на шоуто е најавен за 20:00 часот.
Инаку, натпреварот започнува од 16:30 часот, а влезот ќе чини симболични 100 денари.
