14.3 C
Shtip
spot_img

Управителите или заедниците на станари се одговорни за одржувањето на хидрантите и на противпожарните апарати

Најголеми виновници за тоа што нема хидрантска мрежа – хидранти и противпожарни апарати – во зградите се самите станари, тврди Живко Ставрески, помошник генерален инспектор во Дирекцијата за заштита и спасување. Тој наведува дека често пати се крадат хидрантите, хидрантските црева и противпожарните апарати. Дополнителен проблем, нагласува тој, е тоа што во одредени згради, за да не се крадат, се заклучуваат во подрумите и сите станари немаат клуч доколку се јави итна потреба од нив.

– Дирекцијата за заштита и спасување, во принцип, постапува по пријави и претставки. Станарите, преку своите управители или заедници на станари како правни лица, ја имаат обврската за нивно редовно сервисирање и одржување. Тоа значи дека одговорноста е на управителот и на заедницата на станари. Проблем е кај зградите каде што нема никакво правно лице, односно ниту управител ниту заедница на станари. Тогаш нема кому да му изречеме мерки – објаснува Ставрески.

Додава дека ако се наложат мерки, управителот треба да ги спроведе.

– Тоа чини многу, па така станарите не сакаат да платат. Има и примери кога станарите бараат нешто, а управителот не одговара на нивното барање – истакна Ставрески.  

Тој додава дека, генерално, се почитува од инвеститорите она што е предвидено во елаборатот за заштита од пожари, експлозии и опасни материи.

– Инвеститорот го поднесува елаборатот во Дирекцијата за заштита и спасување, која потоа, по извршениот увид на самото место, треба да издаде согласност зависно од тоа дали е или не е почитуван елаборатот – објаснува Ставрески.

Што се однесува на тоа кој е должен да ги обучи станарите да знаат да ракуваат со хидрантите и со противпожарните апарати, Ставрески вели дека Дирекцијата за заштита и спасување спроведува обуки, пред сè, за правните лица, фирмите, а доколку се заинтересирани станари да научат да ракуваат, тогаш постојат правни лица што ги сервисираат противпожарните апарати и вршат обука.

Инаку, според Законот за заштита и спасување, инвеститорот е должен да изготви во проектната документација за изградба на објекти, како и за објекти на кои се врши реконструкција – пренамена, посебен елаборат за заштита од пожари, експлозии и од опасни материи. Дирекцијата, односно нејзините подрачни организациски единици, е должна во рок од пет дена од денот на приемот на писменото барање за увид во проектната документација од органот што ја спроведува постапката за издавање одобрение за градење, да изврши увид и да даде согласност за застапеноста на мерките за заштита од пожари, експлозии и од опасни материи или да даде забелешки за записникот доколку не се исполнети условите за согласност. Ова важи за сите објекти, освен за станбените објекти со висина на венецот до 10 метри и за јавните објекти со капацитет за истовремен престој до 25 лица.

Пропишаната казна за непочитување на одредбите од Законот за заштита и спасување се во висина од 1.000 до 5.000 евра во денарска противвредност за правното лице и „30 %“ од одмерената глоба за правното лице ќе му се изрече за прекршоците и на одговорното лице во правното лице.

━ повеќе содржини

Во Штип синоќа се одржа Jam Session свирка во чест на Аце – Цеата

Штип и штипјани синоќа оддадоа почит кон својот сограѓанин Александар Коларов - Цеата, басист на групата ДНК, кој загина во трагичната несреќа во Кочани,...

Фудбалскo уживање во Свети Николе по повод 100 години Овче Поле – пријателски меч со ветераните на Брегалница

Фудбалски хепенинг во Свети Николе по повод 100 години од постоењето на фудбалскиот клуб Овче Поле. По тој повод на 26 октомври ќе биде...

На СП во фудбал кое ќе се одржи догодина, останаа уште 20 слободни места, досега има 3 дебитанти

Квалификациите за директните места на СП 2026 се завршени во Африка, Азија, Јужна Америка и во Океанија. Во ноември ќе бидат познати уште 11...

Стив Џобс ќе добие своја монета од еден долар во 2026 година

Стив Џобс, визионерскиот коосновач на Apple, ќе биде овековечен на комеморативна монета од еден долар што ќе биде издадена во 2026 година, потврди Ковачницата...

Србија наскоро ќе набави од руските вакцини против онколошки заболувања

Претседателот на Србија, Александар Вучиќ, вчера во Белград разговараше со руски истражувачи за „развојот на револуционерна вакцина против онколошки заболувања“. „Србија е заинтересирана за овој...
spot_img