Стриминг платформите, особено Нетфликс, секојдневно се преплавени со нови содржини.
Па, ако ви е тешко да исфилтрирате што ново вреди да се гледа, можеби ќе ви се допаднат нашите предлози за Нетфликс и HBO Max.
5 нови серии на Нетфликс:
Karma
Karma e нова јужнокорејска крими серија.
Дејството се фокусира на животот на шест различни ликови кои мораат да се справат со последиците од нивните импулсивни и погрешни одлуки.
American Primeval
American Primeval e мини-серија, чие дејство е сместено во 1857 година, за време на воен конфликт.
Главниот лик е жена, која со својот син патува низ опасните територии на американскиот запад со цел да го најде својот сопруг.
Resident Playbook
Јужнокорејската медицинска драма е идеална за фановите на сериите како Grey’s Anatomy.
Дејството ги следи животите на неколку резидентки на гинеколошко-акушерска клиника.
The Breakthrough
Шведската крими серија The Breakthrough брзо стана една од најгледаните на Нетфликс.
Снимена е според висински убиства кои се случиле во Шведска во 2004 година. Главниот лик е детектив кој пробува да го најде убиецот 16 години подоцна.
Adolescence
Сигурни сме дека веќе сте слушнале за Adolescence, и ако не сте ја изгледале, време е да го направите тоа.
Главниот лик е 13-годишно момче кое е обвинето за убиството на девојче од неговото училиште.
Серијата се фокусира на теми како „токсична машкост“ и мизогинија кои стануваат сè поприсутни во светот на адолесцентите.
Found
Found е серија која премиерно беше прикажана во 2023-та, а сега се емитува и втората сезона на HBO Max.
Главниот лик е жена која основа тим со цел да ги најде исчезнатите лица низ Америка за кои веќе заборавиле сите.
When No One Sees Us
Шпанската крими серија е адаптација на истоимениот роман на авторот Серџио Сарија.
Главните ликови се детективка која истражува необично самоубиство и детективка кој истражува исчезнување на американски војник. И, нивните истраги чудно се вплеткуваат.
Long Bright River
Со Аманда Сејфрид во главната улога Long Bright River е уште една крими серија која доби позитивни критики.
Главниот лик е полицајка која е надлежна за област во Филаделфија со сериозен проблем со дрога.
По неколку убиства во областа, таа сфаќа дека можеби нејзиното минато е поврзано со злосторствата.
The Pitt
The Pitt е медицинска драма за која многумина велат дека најреалистично ги прикажува предизвиците на лекарите.
Главните ликови се неколку здравствени работници во болница во Пенсилванија, а дејството се фокусира на нивното секојдневие на работа.
Hacks
Уште една постара серија од 2021-ва, која годинава има нова сезона.
Главниот лик е комичарка која може да ја изгуби целата империја што ја изградила. За да се спаси, склучува необично пријателство со млада сценаристка.
