Во саботата, на 22.08.2026 во 16:30 часот во СВР Штип е пријавено дека во 11:40 часот на ул.„Брегалничка“ во Штип се случила сообраќајна несреќа помеѓу мотоцикл „априлиа“ со штипски регистарски ознаки, управуван од Т.З.(52) и патничко возило „пежо“ со штипски регистарски ознаки, управувано од 48-годишната А.Д., двајцата од Штип.
Во несреќата со тешки телесни повреди се здобил мотоциклистот, констатирани во Клиничка болница Штип, кај кого било констатирано дека го возел мотоциклот под дејство на алкохол, односно му биле измерени 1,68 промили во крвта, информира МВР.
Извршен бил увид од увидна екипа од СВР Штип и по целосно документирање на случајот ќе следува соодветна пријава.
