Бојан Јовановски, попознат како Боки 13, на својот фејсбук-профил го објави првиот дел од документарниот филм „Рекет“ кој се однесува на случајот „Рекет“ поради кој заврши во затвор.
Јовановски неколку месеци е веќе надвор од затвор поради здравствени проблеми, а деновиве беше осуден за „измама“ и „перење пари“ на пет години затвор.
По објавувањето дека е осуден на пет години, Боки се огласи за медиумите и објасни дека станува збор за стар случај од 2022 година, кој беше поништен и вратен на повторно судење.
„Добро сум. Тоа е за оној стар случај, какви осудени? Случајот беше поништен, па сега го намалија. Прво бев осуден на девет години, па намалија на пет. Сега е на апелација и тоа не е ништо ново,“ изјави Боки 13, и додаде дека не мисли да се враќа во затвор.
Во меѓувреме, водителот направи промоција за документарниот филм Рекет, а првиот дел сега го објави и на својот фексбук-профил.
