29.4 C
Shtip
spot_img

Што е всушност антивоспалителна диета која стана хит во последно време?

Антивоспалителната диета се фокусира на намирници кои ги намалуваат воспаленијата во телото. Притоа, лесно можете да ја приспособите на вашиот животен стил, не мора да трошите многу пари на скапи намирници, но и не мора да се откажете од омилената храна, туку само да бидете умерени.

Денес постојат безброј диети и не секогаш е лесно да одредите што е најдобро за вас ако сакате да се ослободите од вишокот килограми, но и да го подобрите здравјето.

Генерално, експертите советуваат да ги избегнувате брзите диети, кои ветуваат нагло слабеење за краток период бидејќи не се ефикасни долгорочно.

Истовремено, многу рестриктивните диети можат да доведат до недостаток од одредени хранливи материи, а со тоа и здравствен проблеми.

Изминативе неколку години, доста популарни се медитеранската и кето диетата, но нутриционистите сметаат дека можеби најдобра е таканаречената антивоспалителна диета, особено ако целта ви е да го подобрите здравјето.

„Антивоспалителната диета се фокусира на тоа да внесувате храна која се справува со воспаленијата во телото, а да избегнувате намирници кои можат да предизвикаат воспаленија“, вели нутриционистката д-р Нина Краули.

Доброто кај оваа диета е што не мора целосно да се откажете од нездрави намирници, туку само да го ограничите нивниот внес.

Д-р Нина Краули вели дека овој начин на исхрана им се препорачува на луѓе кои имаат хронични заболувања, како дијабетес тип 2, дебелина и кардиоваскуларни болести.

Но, таа истакнува дека дури и да се сте здрава личност, можете да видите придобивки од овој начин на исхрана.

„За некои луѓе, целта не е да ги намалат воспаленијата во телото, но ако го направат тоа, ќе го подобрат здравјето на срцето, полесно ќе ја регулираат тежината, но и ќе ги намалат болката и вкочанетоста во зглобовите“.

Како да ја држите диетата?

Антивоспалителната диета не е класична диета со строго одредени оброци, туку повеќе е како начин на исхрана.

И, лесно е да ја следите – најголем дел од храната што ја внесувате во текот на денот нека биде антивоспалителна.

Во ред е повремено да си дозволувате и од намирниците кои предизвикуваат воспаленија, само важно е да бидете умерени.

Односно, ако денес изедете хамбургер за ручек, тогаш за вечера изедете салата и следниот ден избегнувајте многу преработена храна.

Предноста кај оваа диета е што е едноставна, не мора да трошите многу пари на посебни намирници и лесно можете да ја приспособите на вашиот начин на живот.

Притоа, не треба да се откажувате од омилената храна.

„За разлика од рестриктивните диети кои елиминираат цели групи храна, овој пристап се фокусира на јадење здрави и хранливи намирници кои природно се борат против воспаленијата.

Исто така, сметам дека храната не треба да се карактеризира како ’лоша‘ или ’добра‘, туку треба да се фокусираме на тоа да развиеме здрави навики кои го поддржуваат нашето здравје“, завршува нутриционистката.

━ повеќе содржини

Трамп го смени рецептот на Кока Кола, компанијата се согласи

Американскиот претседател Доналд Трамп изјави во средата дека Кока-Кола се согласила да користи „вистински шеќер од трска“ како засладувач во своите пијалоци што се...

МЕЃУ ШТИП, РАДОВИШ И КАРБИНЦИ ПОЧНА ДА СЕ ГРАДИ НАЈГОЛЕМИОТ ВЕТЕРЕН ПАРК НА БАЛКАНОТ, ИНВЕСТИЦИЈАТА Е ВРЕДНА 500 МИЛИОНИ ДОЛАРИ

Најголемиот ветерен парк на Балканот почна да се гради меѓу општините Штип, Радовиш и Карбинци на површина од 330 хектари, претежно на територијата на...

Кои се 5-те најпознати народи без држава, знаме и националност?

Во светот постојат стотици етнички групи, но не секоја од нив има сопствена национална држава. Некои народи, иако бројни и богати со култура и...

Кој всушност е новиот дечко на Јелена Карлеуша?

Јелена Карлеуша неодамна конечно ја призна својата врска со младиот кошаркар Никола Јовановиќ. Иако со месеци се шпекулираше за нивната врска, малкумина ги знаат деталите...

Пожар предизвикан од плински уред во текот на вчерашниот ден во Штип

Во текот на вчерашниот ден, во 14:30 часот во СВР Штип било пријавено дека од плински шпорет настанал пожар во куќата сопственост на Е.Л....
spot_img