Во рамки на урбанистичкото проширување на градот, Штип наскоро ќе добие две нови населби, а една од нив веќе го доби и своето име – „Аеродром“.
Новата населба е планирана веднаш до постоечката населба Три Чешми, на патот кој води кон аеродромот во селото Сушево. Оттука и инспирацијата за името – „Аеродром“. Според првичните информации, во оваа зона се предвидени нови станбени и комерцијални објекти, како и модерна инфраструктура што ќе обезбеди подобро поврзување со центарот на градот.
Втората населба сè уште не добила официјално име, но се очекува и таа да понуди нови можности за домување и урбан развој на Штип, кој последниве години бележи постојан раст.
Проектот е дел од пошироката стратегија за развој на урбаното јадро и периферијата на градот, со цел создавање поквалитетни услови за живеење и привлекување нови инвеститори.
