Општина Штип ги започна градежните активности за изградба на конзола на коритото на реката Отиња, на потегот од Влашки мост до Градскиот трговски центар. Проектот, вреден 6 милиони денари, е финансиран од општинскиот буџет.
Работите се насочени кон изградба на нови конзоли, со цел проширување на улицата „Маршал Тито“ во централното градско подрачје, која подолго време има потреба од проширување. Проектот ќе се реализира фазно: во првата фаза се издвоени три милиони денари за изградба на конзолите.
Со реконструкцијата ќе се овозможи повеќе паркинг места преку косо паркирање на возилата, додека улицата ќе остане еднонасочна – информира градоначалникот на Штип, Иван Јорданов.
