Штип оваа пролет ќе биде домаќин на една сосема нова, но веќе ветувачка културна манифестација – „Очи на Шопов“, што ќе се одржи од 9 до 13 мај 2025 година. Зад организацијата стои група амбициозни средношколци, поддржани од Фондацијата за развој на локалната заедница и СОУ Гимназија „Славчо Стојменски“.Во чест на 43-годишнината од смртта на македонскиот поет Ацо Шопов, оваа манифестација нуди богата петдневна програма со ликовни и литературни конкурси, како и натпревари во ораторство и рецитаторство. Конкурсите се отворени за ученици од основните и средните училишта во Штип.
Темите и категориите се следниве:
Ликовен конкурс: „Низ очите на Шопов“ Литературен конкурс (I-IV одд.): „Јас во стиховите на Шопов“ Литературен конкурс (VI-IX одд.): „Шопов е минато, сегашност и иднина“ Средно образование – проза и поезија: „Младите гледаат преку очите на Шопов“ Ораторство: „Шопов војува со перото“ Рецитаторство: Слободен избор од творештвото на Шопов
Краен рок за пријавување е 30 април 2025 година, а пријавите се испраќаат на ocinasopov2025@gmail.com со соодветна назнака по категорија.
Настаните од манифестацијата кулминираат со доделување на награди на 11 мај од 13:30 часот, а изложбата на сите ликовни творби ќе биде отворена на 9 мај од 18:00 часот во Штип.
Ова е вистинска можност младите да го изразат својот талент и да го оживеат ликот и делото на Шопов преку уметноста.
Не чекај – покажи што гледаш низ очите на Шопов!
Автор: Даница Среткоска
