Во пораката од претседателот на ФФМ, Масар Омерагиќ, објавена на сајтот на федерацијата вели дека ова е време кога фудбалот покажува дека е повеќе од игра и дека фудбалот и репрезентацијата обединуваат и помагаат.
Влезниците за натпреварот помеѓу Македонија и Велс кој се игра вечерва, во 20:45 часот на Националната арена Тодор Проески се продаваат на веб страницата на ФФМ од 300 до 900 денари.
Оваа акција на ФФМ е одлично прифатена, а солидарност покажаа и од врвот на федерацијата. Претседателот Масар Омерагиќ купи 300 билети со цел да донира, а 100 купи и спортскиот директор Горан Пандев.
Според податоците, досега се продадени околу 20 илјади влезници.
ФФМ исто така известува дека сите деца од основните училишта во Македонија се поканети на натпреварот и влезот за нив е бесплатен.
