Изминатиот викенд се одржа турнир во Државното првенство во портокалов тенис до 10 години, во тениски клуб Мондано во Скопје, а на кој имаше пријавено 26 девојчиња од цела Македонија.
Турнирот го освои деветгодишната Марија Стодиќ, а до пехарот стигна со шест победи. Од штипскиот клуб Астибо учествуваа Анастасија Митев која беше запрена во осмиминафиналето, додека Лорена Николова, Славица Поп-Панева и Ана Рамбабова прикажаа одлична игра во групната фаза.
Во период од 29 до 31 март годинава се одржа Државното првенство до 11 години во ТК Тумба во Куманово во конкуренција момчиња турнирот го освои Стефан Гичев, одлична игра прикажа и Давид Стојановски. Марија Стодиќ беше запрена во четвртифиналето во женска конкуренција.
Одлична игра на младите тенисери со кои работат тренерите Срѓан Савески и Дијана Петрова.
