Нашиот трофеен борач и натпреварувач во пеливанско борење, штипјанецот Дејан Митров на своите профили на социјалните мрежи најави дека на 11.мај годинава, во Штип ќе се одржи турнир во пеливанско борење “Трофеј Штип”.
Ваков спортски спектакл ќе се одржи за прв пат во нашиот град, а тоа е можност за сите натпреварувачи во овој спорт да ги покажат своите вештини.
Секако, ова е прилика и за штипската публика да ужива во мајсториите на “борачите во масло”.
Турнирот ќе се одржи на стадионот на ФК Кежовица во штипско Ново Село.
