Во трагичниот пожар што се случи во дискотеката „Пулс“ во Кочани, животот го загубија 59 лица, а над 100 се повредени. Меѓу загинатите е и Александар Ефремов, талентиран млад фотограф од Штип. Неговите блиски пријатели се простуваат од него со зборовите: „Почивај во мир, Царство Небесно“. За Ефремов велат дека бил ретко добар човек и врвен фотограф.
Пожарот избувна за време на настап на познатиот македонски бенд ДНК, кога пиротехнички средства предизвикаа запалување на таванот, кој бил од лесно запалив материјал. Оваа трагедија ја потресе целата земја, а Владата прогласи седумдневна жалост и наложи итни инспекции на сите ноќни клубови и дискотеки.
Сочувствата пристигнуваат од целиот регион и Европа, а властите ветија целосна истрага за причините за оваа трагедија.
