Малку недостасувало Воислав Дабевски кој живее во Осло, Норвешка да бил измамен откако понудил помош по трагедијата во Кочани. Како што пишува тој самиот добил повик од дечко кој се претставил како Филип Мицевски, 20-годишен син на пејачката Сара Пројковска, која загина во пожарот.
„Тој ми раскажа дека неговата сестра, која била со Сара во клубот, сега лежи во болница во Скопје со тешки изгореници и дека во петок треба да ја префрлат во болница во Осло. Звучеше вознемирено, дури и плачеше – толку убедливо што почнав да го тешам. Потоа ми побара пари за маст за изгореници, и тогаш почнав да се сомневам. Ми испрати и слика од пасош, но веднаш забележав по годината на раѓање дека личноста на него е 30-годишен маж, а не 20-годишно момче“, пишува Дабевски
Тој посочува дека во меѓувреме, се распрашал по пријатели за да провери дали приказната е вистинита – и, како што претпоставувал, била целосна измама.
„Затоа, бидете внимателни! Во светот има измамници кои ќе се обидат да ја искористат вашата добрина. Но, јас и понатаму верувам – добри луѓе постојат!“, стои во постот на Дабевски.
