Започна есенскиот саем на мед на шеталиштето „Ванчо Прќе“ во Штип. На десетина поставени штандови имаше придоден мед, но и други пчелни производи, здрави за граѓаните. Оваа година интересот беше значително зголемен, споредбено со претходните години, па имаше учесници од повеќе градови од Истокот.
„Презентираме квалитетен мед, ливадски, шумски, мед од мајчина душичка имаме полен, прополис. Имаме стопосто чист восок и мед во саќе.“ – вели Манев.
Медот е природен и здрав лек кој би требало постојано да се употребува и да биде дел од исхраната, велат пчеларите. На таков начин се намалува опасноста од болести.
„Ова е традиција на квалитетна и здрава понуда на квалитетен мед и пчелни производи, и убаво е граѓаните од прва рака да купуваат мед. Ззнаете која е разлкиката од мед и останатите производи кои се на база на благи супстнци, медот има живи ензими. Тие живи ензими го внесуваат кислородот до најситните клетки во човековиот организам и затоа луѓето што јадат мед се појаки и подобри и подобро се справуваат со сите болести и имаат подобар имунитет и подобар метаболизам.“ – вели Кировски.
Саемот трае 3 дена – 9. 10 и 11 октомври.
