Редок феномен вечерва на небото, видлив со голо око. Се работи за познатиот феномен што се јавува по лансирањето на ракети, а во овој случај, тоа е феномен предизвикан од ракетата SpaceX на Илон Маск.
Овој спирален траг настанува поради неколку фактори: Испушни гасови, ротација на ракетата и најважно од се’, временските услови. Кога се присутни соодветни временски услови (на пример, ветрови на одредени височини), оваа спирална форма може да биде уште поизразена и полесно забележлива од земјата. Овој феномен не е ништо паранормално, ниту некој необјаснив настан, туку тоа е резултат на физички процеси при лансирањето на ракетите.
Многу луѓе ги виделе слични појави при лансирањето на други ракети, така што објаснувањето веќе е добро познато во научните кругови.
