Двајца возачи, кои возеле под дејство на алкохол на територија на СВР – Штип, во текот на вчерашниот ден биле лишени од слобода, информираат од Министерството за внатрешни работи.
Во одделни случаи, во Штип и во Пробиштип, лишени од слобода биле Д.Ј., на возраст од 35 години од Штип и 45-годишниот С.Г. од село Соколарси, општина Чешиново – Облешево.
– Во првиот случај, при контрола во патниот сообраќај, полициските службеници сопреле патничко возило „туран“ со штипски регистарски ознаки, управувано од Д.Ј. и по преземени мерки било констатирано дека лицето е под дејство на алкохол, односно дека има 1,55 промили алкохол во крвта, по што веднаш било исклучено од сообраќај и задржано во полициска станица. Во вториот случај, исто така при контрола во патниот сообраќај, полициските службеници сопреле патничко возило „голф“ со кочански регистарски ознаки, што го управувал С.Г., за кого било констатирано дека е под дејство на алкохол, односно дека има 1,64 промили алкохол во крвта, по што веднаш бил исклучен од сообраќај и задржан во полициска станица, се појаснува во соопштението на МВР.
По целосно документирање на случаите, против лицата ќе бидат поднесени пријави по член 297-а од Кривичниот законик – „безобѕирно управување со моторно возило“
