Во Штип за првпат се организираше панел дискусија на тема „Им веруваме ли на
институциите“, во организација на Роберт Аџипетров, а со поддршка од Фондацијата за
демократија на Вестминстер.
Настанот собра претставници од различни јавни институции на локално и централно ниво,
меѓу кои Вишна Шорова Ангелова, секретар на Општина Штип, Марија Николиќ, директор
на СОУ Јане Сандански, д-р Горан Андонов, директор на ЈЗУ Панче Караѓозов, Дејан
Здравков, директор на Казнено-поправниот дом Штип, Александар Арсовски, директор на
ЈП Исар и Душко Иванов, пратеник во Собранието на Република Македонија. Дискусијата
ја модерираше Игор Ефтимов од Универзитетот „Гоце Делчев“ – Штип, а свое обраќање
имаше и организаторот Роберт Аџипетров како и Ветон Зеколи од Фондацијата за
демократија на Вестминстер.
Настанот привлече огромно влијание кај јавноста, а граѓаните за прв пат имаа можност
директно да слушнат што ги мотивирало носителите на јавни функции да го прифатат
предизвикот, како им изгледа еден работен ден како и со кои потешкотии се соочуваат.
Она на што се стави посебен акцент е колку е видлива работата на овие лица во јавноста и
дали институциите се доволно транспарентни. Целта на овој настан беше зајакнување на
довербата во институциите и нивно доближување до јавноста преку воспоставување на
непосредна комуникација.
