Феликс Горнер, новинарот на германскиот „РТЛ“ и еден од најдобрите познавачи на состојбата на легендарниот возач на Формула 1, Михаел Шумахер, сподели најнови информации кои, за жал, се многу загрижувачки.
Горнер, кој со години внимателно следи сè што се однесува на седумкратниот шампион, истакна дека Шумахер е во исклучително тешка здравствена состојба и дека е целосно зависен од туѓа нега, а дополнително загрижува што повеќе не може да се изразува со говор.
– Семејството и понатаму цврсто ја чува неговата приватност и тоа е исправно. Така секогаш се однесувале и тоа не се променило. Се водат според тоа што би било во најдобар интерес на Михаел, додаде Горнер.
