Педагошко-психолошките служби работат с.о учениците, даваат помош и поддршка на наставниот кадар, воведени се дежурства на наставниците по ходниците за време на одморите, реализација на средби и советувања со родителите, соработка со СВР Штип за обука за наставниците и работилници за учениците, се дел од мерките кои што општина Штип ги презема со цел заедничко справување со врсничкото насилство.
Педагошко-психолошките служби работат со учениците, даваат помош и поддршка на наставниот кадар, воведени се дежурства на наставниците по ходниците за време на одморите, реализација на средби и советувања со родителите, соработка со СВР Штип за обука за наставниците и работилници за учениците, се дел од мерките кои што општина Штип ги презема со цел заедничко справување со врсничкото насилство. Во истата насока ќе се движи превенцијата и во новата учебна година, изјави денеска раководителката на Сектор образование и јавни дејности во општина Штип, Снежана Санева.
-Сериозна тема и е проблем во училиштата, но секако се прават напори да се надмине тоа со различни мерки. Уште минатата година се воведоа дежурства на наставниците во ходниците за време на одморите. Така што ученците се постојано под контрола, исто така педагошко-психолошко служби ги интерзивираат своите работи постојано работат со учениците-вели Санева.
Таа посочува дека на работилниците со учениците се зборува за опасностите од врсничкото насилство, превенцијата и последиците. Новата учебна 2026-2027 почнува на 1 септември, а во понеделник на 31 август во штипските основни училишта традиционално има свечен прием на учениците во прво одделение. Општина Штип и годинава ќе обезбеди бесплатни училишни униформи.
