РАКОМЕТОТ СЕ ПРОЛОНГИРА
По големата трагедија во Кочани и одлуката на владата за седумдневна жалост, РФМ ги одложи сите натпревари за оваа недела.
Прволигашките натпревари од 18. коло, Кичево – Металург РА, Астраион – Мулти Есенс и Јехона – Овче Поле ќе се доиграат после 23 март.
Последното суперлигашко коло од регуларниот дел на сезоната ќе биде поместено, исто како и две кола во женска конкуренција.
ОДБОЈКА ИСТО ТАКА ЌЕ НЕМА
Одбојкарската федерација на Македонија ги одложува натпреварите од редовните кола предвидени за престојниот викенд (22/23 март) во сите натпреварувачки категории, како и заостанатите натпревари коишто требаше да се одиграат во текот на оваа работна недела, во знак на сочувство и солидарност кон семејствата на загинатите и настраданите во трагедијата во Кочани.
Владата на Р.С. Македонија на вчерашната седница донесе одлука за седумдневна жалост на територијата на цела држава по страшната трагедија која се случи во Кочани.
Предвидените натпревари, согласно Календарот за натпреварување, како и заостанатите натпревари ќе се одиграат во средината на следната недела во договор со клубовите.
ФУДБАЛОТ ЌЕ СЕ ИГРА САМО НА РЕПРЕЗЕНТАТИВНО НИВО
Фудбалските кола во сите конкуренции се одложени, а ќе настапи само А репрезентацијата, ќе гостува во Лихтенштајн.
