Шминка на фудбалски терен – да или не? Алиша Леман на Инстаграм е најследената фудбалерка на светот со 16 милиони следбеници, а игра за клубот „Juventus“. Таа беше во врска со соиграчка, а сега е во љубов со бразилски фудбалер.
Алиша Дебора Леман (родена на 21 јануари 1999 година) е швајцарска професионална фудбалерка, која игра како напаѓач за италијанскиот клуб „Juventus“ и за швајцарската национална репрезентација.
Својата професионална кариера ја започнала во швајцарскиот клуб „BSC YB Frauen“, каде што постигнала 25 голови во 52 натпревари.
Потоа беше во низа други клубови, а во јули 2024 година, Леман се приклучи на „Juventus“, потпишувајќи договор до 2027 година.
Покрај по нејзиниот фудбалски талент, Леман е позната и по тоа што на терените игра нашминкана, а на Инстаграм има над 16 милиони следбеници, што ја прави една од најследените фудбалерки во светот.
На љубовен план, таа беше во врска со нејзината соиграчка од швајцарската репрезентација, Рамона Бахман.
Но, од јуни 2024 година, е во врска со бразилскиот фудбалер Даглас Луиз, кој исто така игра за „Juventus“.
