Во духот на големиот христијански празник Велигден, на 16 април 2025 година, во дворот на СОУ Гимназија „Славчо Стојменски“ – Штип се одржа топол и значаен настан исполнет со љубов, мир и културно сплотување.
Во соработка со заедницата на Хрвати „Либертас“, нашите ученици со многу труд, креативност и заедништво изработија величествено велигденско јајце, симбол на нови почетоци и заедничка иднина.
Настанот беше вистинска манифестација на поврзување меѓу култури, а големиот број присутни ученици, наставници, гости и претставници од заедницата го направија уште повреден.
Горди сме што ја негуваме традицијата, толеранцијата и креативноста. Ви благодариме на сите кои беа дел од овој убав ден!
