7.1 C
Shtip
spot_img

Младата пејачка Тамара Грујеска вечерва ќе настапи на Сан Ремо Јуниор

Младата пејачка Тамара Грујеска (14) вечерва ќе настапи на годинашниот Санремо Јуниор во Санремо, Италија. Нејзиниот настап на 16. издание на овој реномиран фестивал за талентирани деца ќе биде во легендарниот театар Аристон во Санремо од 21 часот. Изведувачите ќе ги придружува оркестарот на фестивалот Санремо, составен од 32 музичари.

„По настапот на Детскиот избор за песна на Евровизија во Ница, Франција повторно стапнувам на голема светска сцена. Ќе ја пеам во живо со евровизиската победничка песна ‘Rise Like A Phoenix’. Многу сум возбудена и покрај сè она што се случи во нашата земја и се надевам дека ќе ја добијам поддршката. Вечерашниот настап го посветувам на настраданите и нивните семејства во немилиот настан во Кочани. Ќе пеам за сите нив и во нивна чест“, изјави Грујеска за МИА.

Таа е македонската претставничка на овој престижен фестивал, во конкуренција на учесници од Казахстан, Белорусија, Франција, Јужна Африка, Црна Гора, Молдавија, Индонезија, Бугарија, Австралија, Италија, Украина, Бразил, Германија, Аргентина, Азербејџан, Финска, Узбекистан, Индија, Австрија, Романија, Русија, Тајланд, Ерменија и Малезија.

Во досегашната кариера, Грујеска е добитничка повеќе значајни награди на фестивали во Русија, Србија, Грција.

За овој настап, таа се подготвуваше со нашата поп пејачка и музички педагог, Андријана Јаневска.

Грујеска има закажано повеќе настапи за годинава, меѓу кои и на фестивалот во Естонија „Tallin Voice 2025“ од 1 до 5 мај и на „Musicland“ во Битола и Охрид 13 до 17 август.

━ повеќе содржини

„Седум од седум“ за OK Штип УГД

Победничката серија во Првата лига мажи продолжува за одбојкарите на Штип УГД кои до седмиот триумф во исто толку дуели дојдоа попладнево со 3:0...

Исчезнати две малолетнички од Штип – родителите со полицијата трагаат по нив

На 26 ноември 2025 година, околу 22 часот, во СВР Штип било пријавено исчезнување на две малолетнички од градот. Случајот го пријавиле нивните родители,...

Најпознати брендови според македонските потрошувачи за 2024 година

Агенцијата за истражување и консалтинг Инсајдер ИД, го спроведе истражувањето “Преферирани ланци на маркети и Најпознати брендови 2024-та година” кое е спроведено на репрезентативен...

ЗНАЕТЕ ЛИ ШТО Е ОГНЕН МЕД?! Овој природен зимски еликсир ќе ви го зајакне имунитетот и ќе ве заштити од воспаленија

Во зимските месеци, кога имунитетот често слабее, природните затоплувачки пијалоци и мешавините на зачини можат да бидат вистински сојузници во зачувувањето на здравјето. Една од...

Даниел (42) пушел цигара на својата тераса во Виена. Судот го казнил со 13.000 евра затоа што ги „вознемирувал“ соседите

Во виенскиот округ Флоридсдорф, еден соседски спор заврши со необична судска одлука. На станарот Даниел (42), татко на две деца, кој уживал пушејќи цигари на...
spot_img