Њујорк– Ангелите се вратија. Долгоочекуваната модна ревија на „Викторијас сикрет“ за 2025 година синоќа се одржа во Њујорк, а најпознатите имиња во светот на манекенството прошетаа по пистата, вклучувајќи ги Џиџи и Бела Хадид, Адријана Лима и Бехати Принслу. Настапот беше емитуван во живо на Инстаграм, Јутјуб, ТикТок и Амазон Прајм Видео.
Иако розовиот тепих беше полн со ѕвезди, вистинската магија се случи на модната писта, каде моделите гордо ги претставија најновите парчиња долна облека.
Настапија музички ѕвезди
Годинешната ревија, каде што настапија и музичките ѕвезди Карол Г, Медисон Бир, Миси Елиот и ТВИС, беше посебен момент за сите учесници.
Џиџи Хадид истакна како нејзините денови во „Викторијас сикрет“ се променија од нејзиното деби во 2015 година, бидејќи сега е мајка на петгодишната ќерка Каи, која ја има со поранешниот партнер Зајн Малик.
Подготовки како на спортист
За да блесне на пистата, потребни се обемни подготовки, што го потврди и моделот Анок Јаи, кој ги спореди со тренингот на професионалните спортисти. „Мојот тренер ме мачеше седум дена во неделата“, призна таа во објава на Инстаграм. „Ги подготвувам мускулите на грбот за крилјата. Вежбам одење, а задникот ќе ми биде убав и заоблен.“
Но, целиот труд се исплати, велат тие. „Никогаш во животот не сум се чувствувала посекси“, нагласи 27-годишната. „Би било лудо кога луѓето би можеле да видат, да речеме, сè што е потребно за да се стане модел на VS.“
Сон што се остварува за ѕвезда на WNBA
Ѕвездата на WNBA, Ангел Рис, се согласува со тоа, бидејќи откри дека отсекогаш сонувала да стане ангел на Викторијас Сикрет. „Го манифестирав овој момент“, изјави 23-годишната за E! News зад сцената. „Минатата година објавив во мојата приказна дека ќе бидам модел на Викторијас Сикрет и тоа буквално се случи помалку од една година подоцна.“
