Кошаркарите на штипскиот кошаркарски клуб Соколи 1933 во 1/4 финалната серија од втората македонска кошаркарска лига со 2:0 славеа над КК Бутел од Скопје, после победата и во вториот натпревар на гости, во Скопје.
Со тоа, штипските Соколи закажаа полу-финале против екипата на КК Ангели од Скопје кои исто така во 1/4 финалето славеа со 2:0 против велешки Борец.
Победникот од полуфиналната серија влегува во финале и автоматски е нов прволигаш, бидејки и двајцата финалисти директно влегуваат во прва лига, а одигрувањето на финалето во втората лига е само формалност. Полуфиналниот дуел, исто така се игра до 2 победи.
