Во насока на подобрување на безбедноста и удобноста за пешаците, започна изградбата на нова тротоарска површина во населбата Караорман, Штип. Проектот опфаќа изградба на современи тротоари кои ќе обезбедат полесно и побезбедно движење на граѓаните. Покрај новите пешачки зони, ќе биде извршено и поставување на урбана опрема како клупи и корпи за отпадоци, што ќе придонесе за поубаво и почисто урбано опкружување. Со завршување на проектот, жителите на Караорман ќе добијат побезбедни пешачки патеки и подобрен пристап до клучните делови на населбата.
