Штип,10.06.2024: Градоначалникот на Штип најави амбициозен план за обнова на инфраструктурата во населбата „Леваци“, започнувајќи со партерно уредување на влезовите од повеќе станбени единици на улицата „Коле Неделковски“. Ова уредување е само почеток на поредица активности планирани за ова лето.
Градоначалникот објасни дека следната фаза вклучува темелна реконструкција на повеќе улици во населбата, со особен акцент на замена на подземната инфраструктура – водоводните и канализациските системи, кои не биле обновувани повеќе од 40 години. По завршувањето на овие подземни работи, ќе следува обнова на тротоарите и поставување на нов асфалт.
„Нашата цел е да ја подобриме квалитетата на живот за жителите на Леваци. Ги замолувам сите граѓани за трпение и разбирање додека траат градежните активности, бидејќи овие проекти се неопходни за да се обезбеди посигурно и поудобно живеење во населбата“, изјави градоначалникот.
Локалните власти ветија дека ќе ги информираат граѓаните за текот на работите и можни времени прекини во сообраќајот, за да ги минимизираат неудобностите. Овие проекти се дел од поголем план за модернизација на градската инфраструктура во Штип, со што се потврдува ангажманот на општината за подобрување на условите за живот на своите граѓани.
