Познатиот актер со белгиско потекло Жан Клод Ван Дам стана предмет на истрага во врска со случај на трговија со луѓе, а во мрежата на организиран криминал, наводно биле вклучени и малолетници во Романија.
Имено, како што се наведува во документите, холивудската ѕвезда Жан Клод Ван Дам е предмет на истрага во врска со случајот со трговија со луѓе.
Наводно, Жан Клод Ван Дам користел услуги на криминална мрежа, а во наводната трговија со луѓе биле вклучени малолетници.
Ова денеска го објави романскиот ТВ-канал Про ТВ.
Како што пренесува романската веб-страница protv.ro, адвокатот на една од жртвите поднел тужба до Романската дирекција за истрага на организиран криминал и тероризам (DIICOT), која издала и официјално соопштение, но без да наведува имиња.
Според зборовите на адвокатот на една од наводните жртви, Адријана Кукулис, случајот го води Канцеларијата за истрага на организиран криминал и тероризам на романското обвинителство.
-Кривичниот случај открива меѓународни врски со идолите од нашето детство. Жан Клод Ван Дам е обвинет дека користел сексуални услуги на пет романски девојки кои истовремено биле во ранлива состојба, изјавил бранителот.
Според пишувањето на романските медиуми, обвинителството добило изјава од една млада жена која рекла дека учествувала во настани каде наводно му биле нудени девојки на Ван Дам.
Според нејзиното сведочење, вакви случаи имало во Кан, Франција. Наводите на жртвата се однесуваат на користењето на услуги кои ги пружаат луѓе кои биле свесно експлоатирани.
Истрагата утврдила дека наводно од 2000 до 2016 година, девојки, вклучително и малолетнички, биле вклучени во сексуална експлоатација преку неговите организации, користејќи психолошки притисок.
