Зимата официјално започнува во недела, на 21 декември 2025 година, во 16 часот и 3 минути. Со овој момент започнува астрономската зима на северната Земјина полутопка, додека истовремено на јужната полутопка започнува летото.
Првиот ден од зимата воедно го носи и зимскиот солстициум – денот кога Сонцето најкратко се задржува над хоризонтот. Тоа значи дека ова е најкраткиот ден во годината, но и ноќта која трае најдолго, што за многумина е идеална можност за подолг сон и одмор.
Во овој период, утрата доаѓаат доцна, а темнината паѓа рано, што создава вистинска зимска атмосфера. Студените денови, долгите ноќи и кратката дневна светлина се карактеристични за овој дел од годината, кога луѓето најчесто избираат да поминуваат повеќе време дома, под топло ќебе, со чај или топол напиток.
Иако зимата астрономски започнува со најкраткиот ден, од овој момент па натаму денот постепено ќе почне да се продолжува, а ноќта полека ќе се скратува, иако тоа на почетокот ќе биде речиси незабележливо.
Зимскиот солстициум отсекогаш имал посебно значење во различни култури и традиции, симболизирајќи го почетокот на нов циклус на светлина, иако календарски сè уште сме на прагот на најстудениот период од годината.
