Украинката која беше најдена со скршени екстремитети и ’рбет во Дубаи ги разгоре гласините за развратните забави организирани од богати мажи кои ги силуваат и деградираат младите девојки на свиреп начин. Јавноста верува дека Украинката била жртва на ваква забава, пред да биде фрлена покрај пат, во критична состојба.
За многумина, Дубаи е место каде што можат да искусат раскош „од прва рака“.
Но, многумина ја игнорираат мрачната страна на Дубаи и бројните застрашувачки шпекулации и сведоштва за што навистина се случува таму, во светот на ултрабогатите шеици.
Гласините за вознемирувачките работи што се случуваат во Дубаи повторно се разгореа, по инцидентот со 20-годишна девојка од Украина.
Марија Ковалчук, која имала профил на Only Fans, исчезнала во Дубаи и десет дена подоцна била најдена покрај пат, жива, но со скршени екстремитети и ’рбет.
Целата приказна е ништо помалку од страшна и многумина сметаат дека Марија е една од многуте девојки кои станале жртви на супербогатите кои се во Дубаи.
Што знаеме за вознемирувачкиот случај и забавите кои наводно се одржуваат во Дубаи?
Марија била во Дубаи со пријателка од Русија, кога добила покана за забава во хотел.
Забавата била закажана за 9-ти март, а Марија кажала дека била поканета од двајца мажи кои ѝ се претставиле како менаџери на бизнис за модели.
Според украинските медиуми, и нејзината пријателка била поканета на истата забава, но ја одбила поканата и се вратила во Русија неколку дена претходно.
На 11-ти март, Марија имала лет од Дубаи до Тајланд, но откако не се појавила на аеродромот и не одговарала на телефонските повици и пораки, мајка ѝ и нејзините пријателки почнале да се загрижуваат.
Иако нејзиното исчезнување веднаш било пријавено кај надлежните, до 19-ти март никој не знаел ништо за Марија.
На 19-ти март, Марија била најдена покрај автопат во Дубаи во критична состојба, со скршени екстремитети и ’рбет.
Младата девојка била во толку лоша состојба, што не можела ни да комуницира, а ѝ биле направени вкупно четири операции за да ја спасат.
„Постои претпоставка дека била на забава. Ја најдовме Марија во болница, во критична состојба.
Со неа немаше ни документи, ни телефон, ништо. Ѝ направија операции и не може да зборува“, изјави мајка ѝ Ана за украински медиум.
Според полицијата во Дубаи, Марија се здобила со тешките повреди бидејќи влегла на градилиште и паднала од голема висина. Надлежните изјавиле и дека спровеле темелна истрага пред да дојдат до заклучокот.
Сепак, семејството на Марија ја негира изјавата на полицијата, додека мајка ѝ вели дека засега не може да коментира ништо повеќе поради тековната истрага.
Во јавноста, пак, наголемо се зборува за контроверзните забави кои наводно се организираат во Дубаи, најчесто од страна на богатите шеици.
Некои шпекулираат дека Марија несвесно отишла на ваква забава каде што веројатно била и силувана, пред да ја фрлат покрај патот за да умре.
Забавите, кои на интернет се познати како Porta Potty, наводно ги организираат богати мажи кои намамуваат млади жени, ветувајќи им дека ќе им помогнат во кариерата.
А на овие забави, тие ги деградирале жените, ги силувале и им правеле одвратни, незамисливи работи, како уринирање врз нив.
Некогаш жените биле и свесни дека од нив се очекуваат сексуални услуги, но искусувале деградирање за кое не дале никаква согласност.
Името porta potty е инспирирано од англискиот збор за подвижните хемиски тоалети, обично во сина боја, какви што има на настани со многу луѓе, како музички фестивали на отворено.
По инцидентот со младата Украинка, на социјалните мрежи почнаа да се споделуваат апели до сите жени кои се во Дубаи, никако да не наседнуваат на ветувања дека некој ќе им помогне во кариерата.
Низ годините, се појавиле и жени кои тврдат дека биле на вакви забави или добивале понуди да прават одвратни работи за голема сума пари.
Засега не е точно познато дали Марија завршила на ваква забава, но се очекува самата да открие што ѝ се случило кога состојбата ќе ѝ се подобри.
