На една од зградите на улицата Енгелсова во штипската населба „8 Ноември“, неодамна беа оштетени три носечки столбови при поставување на клима-уреди. Иако случајот беше пријавен до Центарот за управување со кризи, граѓаните велат дека и по два месеци – никој не презел никакви мерки.
По објавите во медиумите, проблемот, наместо да се реши стручнo и безбедно, беше “покриен” со обично замачкување на оштетените места со бетон. Жителите се прашуваат дали ова е обид за прикривање на проблемот или навистина безбедносен пропуст што останува нерешен.
