По повод новиот игран филм на режисерката Марија Апчевска „ПРОЛЕТНО ЧИСТЕЊЕ“, што ќе се снима неколку дена во текот на месец јуни, ќе се одржи отворена аудиција за статисти.
Аудицијата ќе се оддржи во ПОНЕДЕЛНИК (25.05.2026) во Домот на културата „Ацо Шопов”, во периодот од 10:00 до 18:00 часот.
Од агенцијата за кастинг „Гужва”, која ја спроведува аудицијата, споделија дека „Штип е град на весели, културни и отворени луѓе со кои секогаш сме имале одлична соработка” и нагласуваат дека добредојдени се сите оние што сакаат да ја искусат филмската магија барем на еден ден. Ентузијасти од СИТЕ возрасти, од најмали до најстари, нека повелат во Понеделник, во било кое време, во периодот помеѓу 10:00 до 18:00 часот.
